Suriyada yeni hökumət təsdiqləndi – ölkədə beşillik keçid dövrü başlayır

Suriyada yeni hökumət formalaşdırılıb. Rəsmi təsdiqləmə mərasimi Dəməşqdə yerləşən Prezident Sarayında keçirilib.

InterPress.ge xəbər verir ki, yeni hökumət 22 nazirdən ibarət olacaq, onlardan biri qadındır.

Yeni hökumətin təsdiqlənməsi ilə Suriyada beşillik keçid dövrü başlayır. Bu mərhələnin əsas məqsədi ölkədə sabitlik və sülhün bərpasıdır.

Nazir postları müxtəlif dini və etnik qrupların nümayəndələri arasında bölüşdürülüb.

Suriya müvəqqəti konstitusiyasına əsasən, bu ayın əvvəlində müvəqqəti prezident Əhməd əl-Şəraa tərəfindən təsdiqlənmiş sənədə uyğun olaraq, hökumətə baş katib rəhbərlik edəcək.

Yeni hökumət Bəşşar Əl-Əsədin 24 illik hakimiyyətinin başa çatmasından dörd ay sonra formalaşıb.