Marneulidə Ramazan bayramı namazı qılınıb - FOTO

Müsəlman aləminin əsas bayramlarından biri olan Ramazan Bayramı bu gün Gürcüstanda, xüsusən də Marneulidə yaşayan müsəlmanlar tərəfindən böyük coşğu ilə qeyd edilib.

InterPress.ge xəbər verir ki, bayram namazı Marneulinin Mərkəzi Məscidi olan İmam Əli (ə) məscidində səhər saat 8:30-da başlayıb. Məsciddə toplaşan müsəlmanlar birlikdə bayram namazını qılıb, dualar edərək Ramazan ayı boyunca edilən ibadətlərin qəbul olunmasını diləyiblər.

Məscidin axundu Hacı Hacıyev çıxış edərək, Ramazan ayının mənəvi əhəmiyyətindən, orucun insanın mənəvi tərbiyəsindəki rolundan danışıb. O, həmçinin bütün İslam dünyasını və Gürcüstanda yaşayan müsəlmanları bu mübarək bayram münasibətilə təbrik edib.