Rustaveli prospektində etiraz yenidən başladı – yol bağlanıb

Rustaveli prospektində etiraz aksiyası yenidən başlayıb.

InterPress.ge xəbər verir ki, parlament binası qarşısında toplaşanlar avtomobil yolunu bağlayıblar.

Aksiya iştirakçıları “Oliqarxiyaya od vurulsun!” şüarları səsləndirirlər.

Vətəndaşlar artıq 127 gündür ki, Rustaveli prospektində dəyişməz tələblərlə toplaşırlar: yeni seçkilərin keçirilməsi və etirazlar zamanı saxlanılan şəxslərin azad olunması.

Aksiyaya sonradan İctimai Yayım Şirkətinin binası qarşısından Rustaveli prospektinə doğru irəliləyən yürüş iştirakçıları da qoşulacaqlar.