Kaxetidə baş verən qətllə bağlı təqsirləndirilən şəxs saxlanılıb

Keçirilmiş operativ-axtarış və istintaq tədbirləri nəticəsində, qəsdən adam öldürmə və odlu silahın qanunsuz saxlanılması ittihamıyla, əvvəllər məhkum olunmuş, 1967-ci il təvəllüdlü R.L. saxlanılıb.

InterPress.ge xəbər verir ki, bu barədə Gürcüstanın Daxili İşlər Nazirliyi məlumat yayıb.

Cinayət maddələri 15 ilədək azadlıqdan məhrum etməni nəzərdə tutur.

İlkin istintaq müəyyən edib ki, 2025-ci il 11 may tarixində Axmeta bələdiyyəsində baş vermiş mübahisə zəminində J.K. ov tüfəngi ilə R.L.-nin ayaq nahiyəsindən atəş açaraq yaralayıb. Cavab olaraq, R.L. odlu silahla J.K.-ya ölümcül güllə yarası yetirib.

J.K. hadisə yerində ölüb, R.L. isə hazırda klinikada müalicə alır.

Polis hadisədə istifadə olunmuş ov tüfəngi və tapançanı maddi sübut kimi götürüb.

Faktla bağlı istintaq Cinayət Məcəlləsinin 108-ci (qəsdən adam öldürmə) və 236-cı (odlu silahın qanunsuz əldə edilməsi, saxlanılması və daşınması) maddələri üzrə aparılır.