Qızılhaclıda yaşayış evində baş verən yanğın söndürülüb

Marneuli rayonunun Qızılhacılı kəndində yanğın hadisəsi qeydə alınıb.

InterPress.ge-nin məlumatına görə, yanğın yaşayış evinin qarşısında yerləşən kiçik otaqda baş verib.

Hadisə zamanı otaqda yaşlı qadın olub. O, yanğınsöndürənlərin operativ müdaxiləsi nəticəsində vaxtında çıxarılıb və xəsarət almayıb. Alovun digər hissələrə yayılmasının qarşısı alınıb və yanğın əhatəsi genişlənmədən söndürülüb.

Yanğının başvermə səbəbi isə hələlik məlum deyil.