Putin: “Harada rus əsgərinin ayağı dəyərsə, ora bizimdir”

Rusiya Prezidenti Vladimir Putin növbəti dəfə Ukrayna ilə bağlı qalmaqallı bəyanatla çıxış edib. O bildirib ki, ruslar və ukraynalılar əslində bir xalqdır və bu baxımdan “bütün Ukrayna Rusiyaya məxsusdur”.

“Artıq dəfələrlə demişəm ki, rus və ukraynalı xalqları bir xalq hesab edirəm. Bu mənada, bütün Ukrayna bizimdir”, – deyə Putin vurğulayıb.

Rusiya lideri əlavə edib ki, hərbi əməliyyatların müəyyən məntiqi var və rus ordusu müxtəlif ərazilərdə peyda olur. “Köhnə bir qaydamız var – harada rus əsgərinin ayağı dəyərsə, ora bizim sayılır”, – deyə o qeyd edib.