Mübahisə zəminində bıçaqlanma hadisəsi baş verib - Saxlanılan var

Tbilisidə baş vermiş mübahisə zamanı bir nəfər soyuq silahla sinə nahiyəsindən bıçaqlanıb.

InterPress.ge xəbər verir ki, hadisə dünən baş verib.

Gürcüstan Daxili İşlər Nazirliyinin məlumatına görə, hücum edən şəxs hadisə yerindən qaçıb. Yaralı kişi xəstəxanaya yerləşdirilib və hazırda müalicə alır.

Nazirliyin yaydığı məlumata əsasən, 1985-ci il təvəllüdlü Z.H. qısa müddətdə – “isti izlərlə” saxlanılıb. Ona qarşı Gürcüstan Cinayət Məcəlləsinin 117-ci maddəsi ilə – qəsdən ağır bədən xəsarəti yetirmə ittihamı ilə istintaq aparılır.