“İmedi” telekanalının efirinin dayanması ilə bağlı istintaq dayandırılacaq – DTX: “Hadisə texniki nasazlıqdan qaynaqlanıb”

Gürcüstan Dövlət Təhlükəsizliyi Xidməti (DTX) “İmedi” telekanalında və həmin holdinqə daxil olan “Maestro” və “GDS” kanallarında efirin dayanması ilə bağlı başladılmış istintaqın dayandırılacağını açıqlayıb.

InterPress.ge xəbər verir ki, qurumun yaydığı rəsmi məlumata əsasən, araşdırma nəticəsində hadisənin səbəbi texniki nasazlıq olub:

“İstintaqla müəyyən edilib ki, “İmedi” telekanalında və holdinqə daxil olan “Maestro” və “GDS” kanallarında efirin dayanması kanalın daxili elektrik avadanlıqlarından birində yaranmış texniki nasazlıq səbəbindən baş verib. Bunun nəticəsində efir 45 dəqiqə ərzində dayanıb.

İstintaq materiallarına əsasən, cinayət tərkibli hərəkət aşkar edilməyib.

Buna görə də, eyni nəticəyə gələn yekun ekspertiza rəyi təsdiqləndikdən sonra, bu hadisə ilə bağlı başlanmış cinayət işi üzrə istintaq dayandırılacaq,” – deyə DTX-nin açıqlamasında bildirilir.