Güclü yağış və külək gözlənilir - PROQNOZ AÇILANDA

Oktyabrın 26-da gecə saatlarınadək ölkə ərazisində yağış yağacağı gözlənilir.

InterPress.ge xəbər verir ki, bu barədə Gürcüstanın Ətraf Mühit üzrə Milli Agentliyi ölkə ərazisində gözlənilən hava şəraiti ilə bağlı məlumat yayıb.

Belə ki, qərbi Gürcüstanın bəzi bölgələrində yağıntılar güclü olacaq, ildırım çaxması və küləyin güclənməsi ehtimalı var. Dənizdə isə 2–3 ballıq dalğalanma proqnozlaşdırılır.

“Mövcud yağıntılar nəticəsində Qərbi Gürcüstanın kiçik çaylarında su səviyyəsinin artması, həmçinin dağlıq və təpəlik ərazilərdə torpaq sürüşməsi və sel hadisələrinin yaranması mümkündür (təhlükə səviyyəsi aşağıdır)”, – deyə qurumun məlumatında qeyd olunur.