1 noyabrda Tbilisidə etiraz aksiyası keçiriləcək

1 noyabr tarixində Tbilisidə yeni etiraz aksiyası keçiriləcək.

InterPress.ge xəbər verir ki, aksiyanı “Sazmavs Marşı” hərəkatı elan edib.

Hərəkatın liderləri Rustaveli prospektində keçirilən tədbirdə bildiriblər ki, aksiya saat 14:00-da Gürcüstan İctimai Televiziyasının yeni binası önündə başlayacaq və daha sonra iştirakçılar yürüşlə “Rustavi 2” telekanalının binasına doğru hərəkət edəcəklər.

Hərəkatın liderlərindən Qota Çanturiya açıqlamasında bildirib ki, aksiyanın məqsədi “hakimiyyətdəki korrupsiya və dövlət təbliğatına qarşı çıxmaqdır.”