Rusiyanın dron hücumu nəticəsində Ukraynanın Sumı vilayətində 4-ü uşaq olmaqla 11 nəfər yaralanıb

Rusiyanın Sumı vilayətinə dronlarla hücum etməsi nəticəsində 11 nəfər, o cümlədən 4 uşaq yaralanıb.

InterPress.ge xəbər verir ki, bu barədə məlumatı Ukrayna mətbuatı Dövlət Fövqəladə Hallar Xidmətinə istinadən yayıb.

Hadisə oktyabrın 31-nə keçən gecə baş verib. Rusiya ordusu Sumı şəhərinin yaşayış massivlərini və infrastrukturu dronlarla hədəfə alıb.

Rəsmilərin verdiyi məlumata görə, doqquz mərtəbəli yaşayış binasına endirilən zərbə nəticəsində binanın yuxarı mərtəbələrində yerləşən beş mənzildə yanğın baş verib.

Bundan əlavə, hücum nəticəsində özəl sektorda iki yardımçı tikili yanıb, partlayış dalğası isə beş mənzilli birmərtəbəli binanı zədələyib.