2026-cı ildə bu şəxslərin maaşları 10 faiz artırılacaq

2026-cı ildə Gürcüstanda dövlət qulluqçularının əməkhaqlarının 10 faiz artırılması planlaşdırılır.

InterPress.ge xəbər verir ki, bu barədə maliyyə naziri Laşa Xutsişvili 2026-cı il dövlət büdcəsi layihəsinin müzakirəsi zamanı məlumat verib.

Nazirin sözlərinə görə, polis və hərbi qulluqçuların maaşları da 10 faiz artacaq.

Xutsişvili qeyd edib ki, 2026-cı ildə Müdafiə, Daxili İşlər və Təhlükəsizlik xidmətlərinin maliyyələşdirilməsi üçün 3,5 milyard laridən artıq vəsait ayrılacaq.

Bununla yanaşı, müdafiə infrastrukturunun və hərbi potensialın inkişafı üçün 445 milyon lari nəzərdə tutulub.