Sığnağidəki aviasiya qəzası zonasında axtarış-xilasetmə əməliyyatı başa çatdı

Sığnaq bələdiyyəsində türkiyəyə məxsus hərbi təyyarənin qəzaya uğradığı ərazidə aparılan axtarış-xilasetmə işləri tamamlanıb.

Fövqəladə Halların İdarəetmə Xidmətindən “InterPress.ge”-yə verilən məlumata görə, qəza yerində sonuncu – 20-ci həlak olmuş şəxsin nəşi də tapılıb.

Xatırladaq ki, 11 noyabrda Sığnaq bələdiyyəsində, Gürcüstan dövlət sərhədindən təxminən 5 kilometr məsafədə türkiyəyə məxsus hərbi təyyarə qəzaya uğramışdı. Məlumata görə, təyyarə Azərbaycan–Türkiyə istiqamətində uçuş həyata keçirirdi.

Hadisə ilə bağlı Gürcüstan Daxili İşlər Nazirliyi tərəfindən Gürcüstan Cinayət Məcəlləsinin 275-ci maddəsinin 4-cü hissəsi üzrə istintaq davam etdirilir. Bu maddə hava nəqliyyatının hərəkət və ya istismar qaydalarının pozulması nəticəsində insan ölümünə səbəb olan halları nəzərdə tutur.