Gürcüstan 32 xarici vətəndaşı ölkədən çıxarıb - VİDEO

Daxili İşlər Nazirliyinin məlumatına görə, nazirliyin Miqrasiya Departamentinin əməkdaşları digər aidiyyəti qurumlarla sıx koordinasiya şəraitində 32 xarici ölkə vətəndaşını Gürcüstandan deportasiya ediblər.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

Məlumata əsasən, son günlər keçirilən kompleks tədbirlər nəticəsində ölkədən çıxarılan şəxslər Türkiyə, Hindistan, İran, Pakistan, Rusiya, Kamerun, Çin və Nigeriya vətəndaşlarıdır – ümumilikdə 32 nəfər.

“Qüvvədə olan qanunvericiliyə uyğun olaraq, deportasiya edilən şəxslərə Gürcüstana daxil olma qadağası tətbiq olunub.

Gürcüstan Daxili İşlər Nazirliyinin Miqrasiya Departamenti ölkə daxilində qanunsuz miqrasiya ilə mübarizəyə cavabdeh qurumdur. Departamentin səlahiyyətlərindən biri də hüquqi əsas olmadan Gürcüstanda yaşayan əcnəbiləri müəyyənləşdirmək və onların ölkədən çıxarılmasını təmin etməkdir,” – məlumatda qeyd olunur.