DTX: Saxta sənəd hazırlayan 4 nəfər ifşa olunub

Kontr-kəşfiyyat Departamentində aparılan cinayət işlərinin istintaqı çərçivəsində Türkiyə və Gürcüstanın ikili vətəndaşlığına malik bir nəfər və Gürcüstan vətəndaşı olan üç nəfər saxta sənədlərin hazırlanmasında iştirak etdiklərinə görə ifşa olunublar.

InterPress.ge xəbər verir ki, bu barədə Dövlət Təhlükəsizliyi Xidməti (DTX) məlumat verib.

DTX-nin açıqlamasına əsasən, bu şəxslər 16 Türkiyə vətəndaşına Gürcüstanda yaşayış icazəsi almaq üçün Ədliyyə Nazirliyinin Dövlət Xidmətləri İnkişaf Agentliyinə təqdim ediləcək saxta sənədlər hazırlayıblar.

İlkin istintaq göstərib ki, müxtəlif şirkətlərlə bağlılığı olan – mühasib, tərcüməçi və digər mövqelərdə çalışan şəxslər şirkət rəhbərlərinin şəxsi məlumatlarından sui-istifadə ediblər. Onlar rəhbərlikdən xəbərsiz həmin şirkətlərin adından Türkiyə vətəndaşları ilə saxta əmək müqavilələri bağlayırmış kimi sənədlər tərtib ediblər və guya həmin şəxslər həmin müəssisələrdə müəyyən vəzifələrdə işləyirmiş kimi göstəriblər.

Dörd nəfərin hamısına ittiham Cinayət Məcəlləsinin 362-ci maddəsinin birinci hissəsi ilə irəli sürülüb. Bu maddə üç ilədək azadlıqdan məhrumetmə cəzasını nəzərdə tutur.