İş adamının evini qarət edən şəxslərə ittiham irəli sürülüb

Gürcüstan Prokurorluğu Mçxeta bələdiyyəsində iş adamı Gela Barkalayanın bağ evinə qrup halında edilən quldurluq faktı üzrə iki şəxsə ittiham irəli sürüb.

InterPress.ge xəbər verir ki, bu barədə Prokurorluq məlumat yayıb.

Qurumun məlumatına görə, Daxili İşlər Nazirliyinin apardığı istintaq nəticəsində müəyyən edilib ki, 2025-ci il 2 dekabrda təqsirləndirilən şəxslər Mtsxeta bələdiyyəsində yerləşən yaşayış evinə qanunsuz daxil olaraq zərərçəkənə hücum ediblər. Onlar zərərçəkmişi sağlamlıq üçün təhlükəli zorakılıq və hədələrlə pul və qiymətli əşyaların verilməsinə məcbur etməyə çalışıblar.

Hüquq-mühafizə orqanları şübhəliləri 3 dekabrda saxlayıb. Onlara Gürcüstan Cinayət Məcəlləsinin 179-cu maddəsinin 2-ci hissəsinin “b” və 3-cü hissəsinin “b” bəndləri ilə (qrup halında, mənzilə qanunsuz daxil olmaqla quldurluq) ittiham elan olunub. Bu maddə 8 ildən 12 ilədək azadlıqdan məhrumetmə cəzası nəzərdə tutur.

Prokurorluq artıq məhkəməyə müraciət edərək təqsirləndirilən şəxslər barəsində həbs qətimkan tədbirinin seçilməsini tələb edib.