Çerqoleişvili: “Zəhərlənmə ilə əlaqədar qaynar xəttimizə məlumat axını dayanmaq bilmir”

“Federalistlər” hərəkatının liderlərindən biri, Tamar Çerqoleişvili sosial şəbəkədə canlı yayım zamanı BBC-nin çəkdiyi film mövzusuna toxunub.

Onun sözlərinə görə, təşkilatın zəhərlənmə faktları ilə bağlı yaradılmış qaynar xəttinə məlumatlar fasiləsiz daxil olur. Çerqoleişvili həmçinin qeyd edib ki, BBC-nin filmi hələ yayımlanmamışdan əvvəl səkkiz müxalifət partiyası bu mövzuda birgə brifinq keçirmişdi.

Çerqoleişvili bildirib ki, hazırda da zəhərlənmə barədə müxtəlif məlumatlar daxil olur və məsələ ilə bağlı araşdırmalar davam edir.