Bolnisinin Arıxlı kəndində qazdan zəhərlənmə nəticəsində üç uşaq anası həyatını itirib

Bolnisi bələdiyyəsinin Naxiduri (Arıxlı) kəndində məişət qazından zəhərlənmə nəticəsində faciə baş verib.

InterPress.ge xəbər veri ki, üç uşaq anası olan gənc qadın yaşadığı evdə, hamam otağında olarkən dəm qazının sızması səbəbindən həyatını itirib.

Məlumata əsasən, hadisə zamanı uşaqlar evdə olsalar da, onlara hər hansı xəsarət dəyməyib və vəziyyətləri qənaətbəxş qiymətləndirilir.

Faktla bağlı Gürcüstan Daxili İşlər Nazirliyi məlumat verərək bildirib ki, hadisə üzrə istintaq Gürcüstan Cinayət Məcəlləsinin 240-cı maddəsi ilə aparılır. Sözügedən maddə mədən, tikinti və ya digər işlərin aparılması zamanı təhlükəsizlik qaydalarının pozulmasını nəzərdə tutur.