Tarixi məscid yanğın nəticəsində məhv olub

Dünən gecə saatlarında Keda bələdiyyəsinin Çxmorisi kəndində baş verən yanğın nəticəsində tarixi məscid yanaraq məhv olub.

InterPress.ge xəbər verir ki, bu gün səhər saatlarında hadisə yerində müfti Hacı Adam Şantadze, Keda bələdiyyəsinin müftisi və Müsəlmanlar İdarəsinin əməkdaşları ilə birlikdə olub.

Qeyd olunan məscid uzun illər ərzində yalnız ibadət məkanı deyil, eyni zamanda müsəlmanlar üçün xüsusi əhəmiyyət daşıyan mühüm tarixi və mədəni abidə kimi tanınıb.

Müfti Çxmorisi kəndinin sakinlərinə başsağlığı verib və bildirib ki, yaxın vaxtlarda məscidin bərpası həyata keçiriləcək. Onun sözlərinə görə, bununla da kənd öz mənəvi mərkəzinə yenidən qovuşacaq və ibadət edənlər namazlarını davam etdirə biləcəklər.