Buna görə sürücülər cərimələnəcək...

2026-cı il yanvarın 1-dən etibarən Gürcüstanda sürücülər nəqliyyat vasitələrinin yaratdığı artıq səs-küyə görə cərimə olunacaqlar.

InterPress.ge xəbər verir ki, müvafiq dəyişiklik “İnzibati Xətalar Məcəlləsi”nə daxil edilib və yeni ildən qüvvəyə minəcək.

Qanuna əsasən, gecə saatlarında, yəni 23:00-dan 08:00-dək yaşayış məntəqələrində nəqliyyat vasitəsinin istismarı zamanı yaranan səs-küyün maksimal icazə verilən həddi 80 desibeli keçməməlidir.

Müəyyən edilmiş normanı aşan səs-küy yaradan nəqliyyat vasitəsini idarə edən sürücü ilk halda 100 lari məbləğində cərimələnəcək. Qayda təkrar pozularsa, cərimə 200 lari olacaq. Eyni pozuntu növbəti dəfə qeydə alınarsa, sürücü 300 lari məbləğində cərimə ödəməli olacaq.