Kobaxidze: "Gürcüstan sülh danışıqları üçün ən yaxşı yer və platforma ola bilər"

"Gürcüstan sülh danışıqları üçün ən yaxşı yer və platforma ola bilər".

İnterPress.ge xəbər verir ki, Parlament çoxluğunun üzvü İrakli Kobaxidze jurnalistlərə Baş nazir Qiorqi Qaxariyanın Gürcüstanın Ermənistan-Azərbaycan danışıqlarına ev sahibliyi etməyə hazır olduğunu söyləməsini qiymətləndirərkən qeyd edib.

Kobaxidzenin sözlərinə görə, bu, ən vacib mesajdır.

“Gürcüstanın yaxşı qonşuluq münasibətləri var və ənənəvi tarixi dostluq bizi hər iki ölkə ilə bağlayır. Bu səbəbdən, Gürcüstan bu tip sülh danışıqlarının aparılması üçün ən yaxşı yer və platforma ola bilər və təbii ki, bu məsələyə maraq olarsa, belə bir missiyanı yerinə yetirməkdən məmnun olacağıq ”- dedi İrakli Kobaxidze.