Azərbaycan dörd erməni məhbusu azad edərək Ermənistana təhvil verib

Azərbaycan dörd erməni məhbusu azad edərək Ermənistana təhvil verib.

InterPress.ge xəbər verir ki, bu barədə Ermənistanın baş naziri Nikol Paşinyan sosial şəbəkə hesabında məlumat yayıb.

Paşinyanın sözlərinə görə, Gevorq Sujiyan, Davit Davtyan, Vigen Eulcekjian və Vagif Xaçatryan Azərbaycan Respublikasının müvafiq qurumlarının nümayəndələri tərəfindən Hakari körpüsündə Ermənistan tərəfinə təhvil verilib və hazırda Ermənistan ərazisindədirlər.

“İlkin qiymətləndirməyə əsasən, Gevorq Sujiyan, Davit Davtyan və Vigen Eulcekjianın səhhətində problem yoxdur. Vagif Xaçatryanın sağlamlıq vəziyyəti isə ilkin qiymətləndirməyə görə qənaətbəxşdir. Onlar Yerevana yola düşürlər”, – deyə Nikol Paşinyan bildirib.