Rustaveli prospektində etiraz aksiyası keçirilir

Tbilisinin Rustaveli prospektində etiraz aksiyası davam edir.

InterPress.ge xəbər verir ki, parlament binası qarşısında toplaşan etirazçılara “Güc birlikdədir” şüarı ilə keçirilən etiraz yürüşünün iştirakçıları da qoşulublar.

Yürüş Filarmoniya yaxınlığından başlayaraq parlamentə doğru təşkil olunub.

Aksiya iştirakçıları əraziyə Gürcüstan və ABŞ bayraqları, həmçinin müxtəlif şüarların yazıldığı plakatlar gətiriblər. Onlar aksiyalar zamanı saxlanılan şəxslərin azad edilməsini tələb edirlər.

Parlament qarşısında fasiləsiz etiraz aksiyaları artıq bir ildən çoxdur davam edir. Etirazçılar yeni parlament seçkilərinin təyin olunmasını və aksiyalar zamanı saxlanılan şəxslərin azad edilməsini tələb edirlər.