Levan Caparidze: Onların davranışı “beşinci kolonna” anlayışını xatırladır

Krtsanisi rayonunun majoritar deputatı Levan Caparidze Nino Lomcariya, Tina Xidaşeli, Qubaz Sanikidze və Giorgi Kandelaki haqqında sosial şəbəkədə sərt açıqlama verib.

InterPress.ge xəbər verir ki, Deputat paylaşımında bildirib ki, onların çıxışları ona “Vikipediya”da təsvir edilən “beşinci kolonna” anlayışını xatırladır.

Caparidzenin sözlərinə görə, “beşinci kolonna” dövlətə və ya xalqın hər hansı birliyinə düşmənin xeyrinə fəaliyyət göstərərək zərbə vuran insanlar qrupudur.

O qeyd edib ki, belə qrupların fəaliyyəti həm açıq, həm də gizli formada həyata keçirilə bilər. Onların gizli fəaliyyəti sabotaj, dezinformasiya yayılması, casusluq və digər fəaliyyətlərdə özünü göstərə bilər.

Deputat əlavə edib ki, “beşinci kolonna” bəzən qarşı tərəflə koordinasiyalı şəkildə fəaliyyət göstərə bilər, lakin bəzi hallarda müstəqil şəkildə də hərəkət edərək hədəflərini və fəaliyyət formasını özü seçir.

Levan Caparidze bildirib ki, bu cür qrupların fəaliyyəti xüsusilə hərbi əməliyyatlar zamanı daha qabarıq şəkildə üzə çıxır və daha dağıdıcı xarakter alır.