Rustaveli prospektində etiraz aksiyası keçirilir

Tbilisidə Rustaveli prospektində etiraz aksiyası davam edir.

InterPress.ge xəbər verir ki, parlament binası qarşısında toplaşan vətəndaşlara Filarmoniyadan təşkil olunan yürüşün iştirakçıları da qoşulublar.

Yürüş iştirakçıları “Vicdan məhbuslarına azadlıq – mübarizəyə görə təşəkkürlər” şüarı ilə hərəkət ediblər.

Aksiya iştirakçıları əraziyə Gürcüstan və ABŞ bayraqları, həmçinin etiraz aksiyaları zamanı saxlanılan şəxslərin azad edilməsini tələb edən plakatlar gətiriblər.

Etirazçıların əsas tələbləri dəyişməz qalır – aksiyalar zamanı saxlanılan şəxslərin azad edilməsi və yeni parlament seçkilərinin təyin olunması.