İran Hörmüz boğazında İsraillə əlaqəli gəmiyə zərbə endirdiyini açıqlayıb

İran Hörmüz boğazında İsraillə əlaqəli olduğu bildirilən gəmiyə zərbə endirdiyini bəyan edib.

InterPress.ge xəbər verir ki, bu barədə İran İslam İnqilabı Keşikçiləri Korpusu açıqlama yayıb.

Məlumata görə, hücum pilotsuz uçuş aparatı (dron) vasitəsilə həyata keçirilib. Zərbədən sonra “MSC Ishyka” adlı gəmidə yanğın baş verib.

“Dron zərbəsi Hörmüz boğazında sionist rejimlə əlaqəli gəmiyə endirilib. Gəmi alovlanıb”, – deyə açıqlamada bildirilir.

Qeyd edək ki, İranın yaydığı məlumatla bağlı İsrail tərəfi hələlik rəsmi açıqlama verməyib.