Reuters: İranın yeni ali lideri ağır yaralanıb, müalicəsi davam edir

İranın yeni ali lideri Müctəba Xameneinin ağır xəsarətlər aldığı bildirilir.

InterPress.ge xəbər verir ki, bu barədə Reuters İran ali liderinin ətrafına yaxın mənbələrə istinadən məlumat yayıb.

Məlumata görə, Müctəba Xamenei müharibənin başlanğıcında atasının – keçmiş ali lider Əli Xameneinin iqamətgahına endirilən hava zərbəsi nəticəsində yaralanıb.

Mənbələrin bildirdiyinə görə, o, üz nahiyəsindən ciddi şəkildə zədələnib, həmçinin bir və ya hər iki ayağında ağır xəsarətlər alıb.

Bununla yanaşı qeyd olunur ki, 56 yaşlı ali liderin şüuru aydındır və o, dövlət rəsmiləri ilə birlikdə qərarların qəbul olunması prosesində iştirak etməyə davam edir.

Hazırda onun müalicəsi davam edir.