Marneulidə cinayət hadisəsi baş verib - Bir nəfər saxlanıldı (VİDEO)

Marneuli Rayon Polis İdarəsinin əməkdaşları qəsdən sağlamlığa ağır zərər vurmaq ittihamı ilə bir nəfəri saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

İstintaqla müəyyən edilib ki, təqsirləndirilən şəxs məişət zəminində baş vermiş mübahisə zamanı həmkəndlisini soyuq silahla yaralayıb.

Yaralanan şəxsə tibbi yardım göstərilməsi məqsədilə xəstəxanaya yerləşdirilib.

Polis isti izlə həyata keçirilən əməliyyat-axtarış və istintaq tədbirləri nəticəsində cinayəti törətməkdə şübhəli bilinən şəxsi saxlayıb.

Faktla bağlı Gürcüstan Cinayət Məcəlləsinin 117-ci maddəsi ilə istintaq aparılır. Həmin maddə 7 ilədək azadlıqdan məhrumetmə cəzasını nəzərdə tutur.