İrakli Kobaxidze: Strasburq Məhkəməsinin qərarı tamamilə sağlam qərardır
“Strasburq Məhkəməsinin qərarı tamamilə sağlam qərardır. Prinsip sadədir – heç bir cəmiyyətdə nifrətə və aqressiyaya meydan verilməməlidir. Məhz bu yanaşma həm Strasburq Məhkəməsinin qərarının, həm də yaxın vaxtlarda qəbul etdiyimiz qanunvericiliyin əsasını təşkil edir.”
InterPress.ge xəbər verir ki, bunu “Gürcü Arzusu” Partiyasının sədri, Gürcüstanın Baş naziri İrakli Kobaxidze jurnalistlərə açıqlamasında bildirib.
Baş nazirin sözlərinə görə, Gürcüstana xaricdən nifrət və aqressiya təlqin edilir və hakimiyyət bu tendensiyalara qarşı mübarizə aparmaq üçün bütün zəruri addımları atacaq.
“Bildiyiniz kimi, ölkəmizə kənardan nifrət və aqressiya təlqin olunur. Bu isə Gürcü cəmiyyəti üçün yad və qeyri-təbii hadisədir. Buna görə də biz bu kənardan sırınan tendensiyalara qarşı mübarizə aparmaq üçün hər şeyi etməliyik. Qəbul etdiyimiz qanunvericilik də məhz buna xidmət edir. Elə bu məqsədlə Daxili İşlər Nazirliyində müvafiq departament yaradılıb ki, bu istiqamətdə iş daha fəal şəkildə davam etdirilsin”, – deyə İrakli Kobaxidze bildirib.
