Bədbəxt hadisə nəticəsində fəhlə həyatını itirdi

Tbilisinin Aleksandre Çavçavadze küçəsində tikilməkdə olan obyektdə baş vermiş bədbəxt hadisə nəticəsində bir nəfər fəhlə həyatını itirib.

InterPress.ge xəbər verir ki, yayılan məlumata görə, həlak olan şəxs təxminən 40 yaşlı kişidir. O, tikinti obyektindən yıxılaraq ölüb.

Gürcüstan Daxili İşlər Nazirliyi bildirib ki, faktla bağlı Cinayət Məcəlləsinin 240-cı maddəsi ilə istintaqa başlanılıb. Həmin maddə tikinti işləri zamanı təhlükəsizlik qaydalarının pozulmasını nəzərdə tutur.