Gürcüstanda elektrik kəsintisi aradan qaldırılır – Tbilisi metrosu fəaliyyətini bərpa edib

Gürcüstanda baş vermiş genişmiqyaslı elektrik enerjisi kəsintisindən sonra Tbilisi metrosu fəaliyyətini bərpa edib.

InterPress.ge xəbər verir ki, hazırda Gürcüstan Dəmir Yolunda qatarların hərəkətinin bərpa olunub-olunmadığı məlum deyil. Sosial şəbəkələrdə müxtəlif dəmir yolu stansiyalarında gecikmələrin olduğu barədə məlumatlar yayılır.

Xatırladaq ki, Gürcüstan Dövlət Elektrik Sisteminin məlumatına əsasən, bu gün saat 08:00 radələrində ölkə üzrə elektrik enerjisinin verilişi qısa müddətə qəza səbəbindən dayandırılıb. Hazırda qəzanın dəqiq səbəblərinin müəyyənləşdirilməsi istiqamətində işlər davam edir.