Gürcüstan iqtisadiyyatı güclü artım nümayiş etdirir – İyun ayında ÜDM 8,6 faiz yüksəlib
Gürcüstanda iqtisadi artım tempi yüksək olaraq qalır. İlkin hesablamalara görə, 2026-cı ilin iyun ayında ölkənin real ümumi daxili məhsulu (ÜDM) ötən ilin eyni dövrü ilə müqayisədə 8,6 faiz artıb.
InterPress.ge xəbər verir ki, bu barədə Gürcüstanın Milli Statistika Xidməti (Sakstat) ilkin qiymətləndirməsini açıqlayıb. Məlumata əsasən, 2026-cı ilin ilk altı ayı üzrə orta iqtisadi artım göstəricisi 7,9 faiz təşkil edib.
Sakstatın məlumatına görə, iyun ayında iqtisadi artıma ən böyük töhfəni emal sənayesi, nəqliyyat və anbar təsərrüfatı, tikinti, informasiya və kommunikasiya, eləcə də maliyyə və sığorta fəaliyyəti sahələri verib.
Bununla yanaşı, hesabat dövründə dağ-mədən sənayesi və energetika sektorlarında azalma tendensiyası qeydə alınıb.
