Gürcüstanda koronavirusa yoluxanların sayı artmaqda davam edir - RƏSMİ

Gürcüstanda yeni növ koronavirusa (COVID-19) son 24 saat ərzində 3801 yeni yoluxma halı qeydə alınıb.

InterPress.ge-nin xəbərinə görə, bu barədə məlumat Milli Xəstəliklərə Nəzarət və Xalq Sağlamlığı Mərkəzi yayıb.

Bununla da ölkədə virusa yoluxanların sayı 118.690 nəfərə çatıb.

Sağalanların sayına gəldikdə isə, ölkədə son 24 saat ərzində 3200 sağalma qeydə alınaraq 98 781 nəfər təşkil edib.

Qeyd edək ki, koronavirus səbəbi daha 39 nəfər ölüb və ölənlərin ümumi sayı 1 124 nəfər təşkil edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.