Polşa üç həftəlik ümummilli karantin elan edir

Polşada koronavirus infeksiyasının yayılmasının qarşısının alınması üçün üç həftəlik ümummilli karantin elan ediləcək.

Bu barədə TASS Polşanın Səhiyyə naziri Adam Nedzelskiyə istinadən məlumat yayıb.

Karantin dekabrın 28-dən yanvarın 17-nə qədər davam edəcək.

Bu müddət ərzində hotellərin, həmçinin dağ-xizək mərkəzlərinin fəaliyyəti dayandırılacaq.

Yeni ildə hökumət insanların hərəkətini məhdudlaşdırmağı da planlaşdırır. Qadağa 31 dekabr 21:00-dan 1 yanvar 6:00-a qədər qüvvədə olacaq.