Polis məhdudiyyətlərə riayət etməyən 700-dən çox insanı cərimələdi

Son 24 saat ərzində hüquq-mühafizə orqanları tərəfindən aparılan monitorinqlər nəticəsində ölkə daxilində tətbiq olunan məhdudiyyətlər çərçivəsində qüvvədə olan qaydaların 706 pozulması halları aşkar edilmişdir.

InterPress.ge xəbər verir ki, bu barədə DİN məlumat yayır.

Polis İnzibati Xətalar Məcəlləsinin 42-ci maddəsinin 10-cu bəndinə əsasən 91 şəxsi cərimələyib.Cərimə olunanlar arasında axşam 9-dan səhər 5-ə qədər hərəkət məhdudiyyətini pozan vətəndaşlar da var.

Bundan əlavə, 24 saat ərzində maska taxma qaydasını pozduqlarına görə 615 nəfər İnzibati Xətalar Məcəlləsinin 42-ci maddəsinin 11-ci bəndinə əsasən cərimələnib.

Daxili İşlər Nazirliyi, vətəndaşları tətbiq olunan məhdudiyyətlərə riayət etməyə çağırmağa davam edir.

"Gürcüstan ərazisindəki bütün şəxslər, xalqın sağlamlığı sahəsində Gürcüstan qanunvericiliyinin tələblərinə əməl etməyə borcludurlar. Daxili İşlər Nazirliyi vətəndaşları yüksək ictimai məsuliyyət göstərməyə və mövcud qaydalara tabe olmağa çağırır.

Maska taxma qaydalarının pozulması inzibati məsuliyyətə səbəb olur və Cinayət Məcəlləsinin 42-ci maddəsinin 11-ci bəndinə uyğun olaraq 20 lari məbləğində cərimə ilə nəticələnir.

Təcrid və karantin qaydalarının pozulması, Cinayət Məcəlləsinin 42-ci maddəsinin 10-cu bəndinə əsasən inzibati məsuliyyətə səbəb olur və fiziki şəxs üçün 2000 lari, hüquqi şəxs üçün 10.000 lari cərimə olunur. Təkrar cərimələr cinayət məsuliyyətinə səbəb olur",- deyə məlumatda bildirilir.