Gürcüstan prezidenti xarici səfərlərini ləğv etdi

Gürcüstan prezidenti Salome Zurabişvili koronavirusun yayılması ilə bağlı yaranan vəziyyətdən irəli gələrək, xaricə səfərlərini ləğv edib.

InterPress.ge xəbər verir ki, bu barədə məlumatı prezident administrasiyası yayır.

“Dünyada koronavirusun yayılmasından dolayı yaranan vəziyyətlə bağlı Gürcüstan prezidenti Salome Zurabişvili, digər iqtidar idarələri ilə koordinasiya nəticəsində, Bolqarıstana, Ukraynaya və Belçikaya planlanan səfərlərini ləğv etdi. İctimailəşdirilənə qədər, bu haqda məlumat xarici partnyorlarımıza çatdırıldı” – deyilir prezident administrasiyasının bəyanatında.