Gürcüstanda daha bir bələdiyyədə yanğın baş verdi

Oni Bələdiyyəsinin Onçevi kəndi yaxınlığında yanğın baş verib.

InterPress.ge xəbər verir ki, məlumatı Oni Bələdiyyəsi yayıb.

Oni şəhər meriyasından verilən məlumata görə, Onçevi kəndində yanğının aradan qaldırılması işləri davam etdirilir. Yanğın dünən gecə lokallaşdırılıb. Güclü külək səbəbindən bu gün səhər Cola kəndində yeni yanğın yerləri meydana gəlib. Yanğının aradan qaldırılması işləri yenidən bərpa edilib. Qırx beş xilasetmə qüvvəsi hadisə yerinə cəlb olunub. Alovun yayılma sahəsi qırx hektara yaxındır.

Oni Bələdiyyəsinin nümayəndələri hadisə yerindədirlər, vəziyyət müvafiq qurum tərəfindən idarə olunur.