Gürcüstanda ağır yol qəzasında 28 yaşlı qız həyatını itirdi

Kutaisi-Xoni yolunda avtomobil qəzası baş verib.

InterPress.ge xəbər verir ki, qəza nəticəsində 28 yaşlı qız hadisə yerindəcə ölüb.

Şahidlərin sözlərinə görə, minik avtomobili və yanacaqdoldurma tankeri bir-biri ilə toqquşub. 28 yaşlı qız minik avtomobili idarə edirmiş, hansı ki, yanacaqdoldurma məntəqəsindən çıxan yük maşınına yüksək sürətlə toqquşub. Benzin daşıyan yük maşınının sürücüsü xəsarət almayıb.

Hüquq-mühafizə orqanları hadisə yerinə cəlb olunub.

Daxili İşlər Nazirliyi hadisənin Cinayət Məcəlləsinin yol təhlükəsizliyi və ya istismar qaydalarının pozulmasını, insan tələfatı ilə nəticələnən 276-cı maddəsinin altıncı hissəsi ilə araşdırıldığını bildirib.