Çoxatauridə müsəlman və xristian icmaları arasında fikir ayrılığı sona çatdı

Çoxatauri Bələdiyyəsinin Buknari kəndində müsəlmanlar və xristianlar arasındakı fikir ayrılığı sona çatdı.

InterPress.ge xəbər verir ki, xristian və müsəlman icmalarının nümayəndələri Çoxatauri bələdiyyəsində bölgə qubernatoru və bələdiyyə meri ilə görüşüblər.

Məlumata əsasən, qarşı tərəflər arasında razılıq əldə edilib və heç biri ibadətlərdə bir-birlərinə qarışmayacaq.

İclas iştirakçılarının dediyinə görə, mitinqlər sabahdan etibarən keçirilməyəcək.

İclas qapalı qapılar arxasında təxminən bir saat davam edib.

Məlumat üçün bildirək ki, Çoxatauri bələdiyyəsinin Buknari kəndində dünən müsəlman və xristian vətəndaşlar arasında qarşıdurma kəskinləşib.