Qabunia: "Hazırda ölkə daxilində 9 müsəssisə "Pfizer" peyvəndi ilə peyvəndləmə üçün hazırdır"

"Hazırda ölkə daxilində 9 müsəssisə "Pfizer" peyvəndi ilə peyvəndləmə üçün hazırdır".

InterPress.ge xəbər verir ki, bu barədə Səhiyyə nazirinin müavini Tamar Qabunia Hökumət İdarəsində keçirilən brifinqdə deyib.

Qabunianın dediyinə görə, müəssisələrin seçilməsi prosesi davam edir.

“Son vaxtlar peyvəndləmə hazırlığına çox diqqət yetirilir. Tənzimləmə Agentliyi 12 müəssisəni qiymətləndirib və onlardan 9-u "Pfizer" peyvəndi ilə peyvəndləmə üçün qoyulmuş tələblərə cavab verir. Bu müəssisələrdə təlim bu həftə başlayacaq. Müəssisələrin seçilməsi prosesi davam edir. Məqsədimiz, peyvənd ölkəyə gələn kimi, peyvənd prosesinin başlaması üçün təxminən 15 müəssisənin olmasıdır", - dedi Qabunia.