Avtomobil yoldan çıxaraq ağaca çırpıldı - 1 nəfər öldü, 1 nəfər yaralandı

Qori yolunda avtomobil qəzası baş verib.

InterPress.ge xəbər verir ki, avtomobil sürücüsü sükanı çevirə bilməyib, yoldan çıxaraq ağaca çırpılıb.

Alınan xəsarət nəticəsində avtomobilin sürücüsü qəza yerindəcə ölüb, bir nəfər isə yaralanıb.

Yaralı təcili yardım briqadası tərəfindən xəstəxanaya aparılıb.

Daxili İşlər Nazirliyindən bildirildiyinə görə, hadisə Gürcüstan Cinayət Məcəlləsinin 276-cı maddəsinin 6-cı hissəsi ilə araşdırılır.