İvane Cavaxişvili adına Tbilisi Dövlət Universitetinin Hüquq fakültəsinin tələbələri praktikalarını Gürcüstan Ədliyyə Nazirliyində  keçəcəklər

İvane Cavaxişvili adına Tbilisi Dövlət Universitetinin Hüquq fakültəsinin tələbələri praktikalarını Gürcüstan Ədliyyə Nazirliyində keçəcəklər.

InterPress.ge xəbər verir ki, Tbilisi Dövlət Universiteti ilə Gürcüstan Ədliyyə Nazirliyi arasında əməkdaşlıq memorandumu imzalanıb.

Memorandumu TSU rektoru Qiorqi Şarvaşidze, Ədliyyə naziri Qoça Lortkipanidze və TSU Hüquq Fakültəsinin Beynəlxalq Hüquq Tədrisi / Tədqiqat İnstitutunun direktoru, professor İrine Kurdadze imzalayıb.

Əməkdaşlıq memorandumu tərəflər arasında ortaq elmi konfransların, forumların və konqreslərin keçirilməsini, tələbələrin stajını, habelə hüququn aktual məsələləri üzərində işləyərkən universitetin elmi-tədqiqat potensialından istifadəni nəzərdə tutur.

Memorandumun məqsədi Tbilisi Dövlət Universiteti ilə Gürcüstan Ədliyyə Nazirliyi arasındakı mövcud əməkdaşlığı dərinləşdirmək, TSU Hüquq fakültəsi tələbələri tərəfindən universitetdə qazandıqları nəzəri bilikləri praktik fəaliyyətdə tətbiq etmək və praktiki bacarıqları inkişaf etdirməkdir.