Gürcüstanda hava necə olacaq? - yaxın günlər üçün proqnoz

Gürcüstanda aprelin 3-ü səhərədək yağışlı hava şəraiti gözlənilir.

InterPress.ge xəbər verir ki, bu barədə Milli Ətraf Mühit Agentliyindən məlumat verilib.

Məlumata görə, bəzi yerlərdə qərb istiqamətində külək əsəcək. Hava istiliyinin Qərbi Gürcüstanda +10, +15, Şərqi Gürcüstanda +13, +18 dərəcə olacağı gözlənilir.

4-5 aprel tarixlərində istilər fonunda bəzi yerlərdə yağış yağacaq, şimşək çaxacağı ehtimalı var. Aran və ovalıqlarda temperatur +18, +23 dərəcəyə qədər yüksələcək.

Tbilisidə isti və yağmursuz hava şəraiti gözlənilir. Hava istiliyi 2-3 apreldə +15, +17, 4-5 apreldə +19, +21 dərəcə olacaq.