Kobuleti bələdiyyəsində baş verən yanğın nəticəsində 5 hektar ərazi yanıb

Kobuletidə yanğın baş verib.

InterPress.ge xəbər verir ki, Qvara kəndində, kol-tikanda yanğın çıxıb və fındıq bağına keçib.

Yanğın bitkilərin böyük bir hissəsini məhv edib. İlkin məlumata görə, 5 hektara qədər ərazi yanıb.

Yanğının səbəbi hələlik məlum deyil. Qəza nəticəsində xəsarət alan olmayıb.

Təcili Yardım İdarəsindən yanğının lokallaşdırıldığı bildirilib. Məlumata görə, yanğın-xilasetmə xidmətinin 3 briqadası hadisə yerinə cəlb olunub və söndürülmə işləri davam etdirilir.