Gürcüstan əhalisi artıb - STATİSTİKA

Bu ilin yanvarın 1-nə olan məlumata görə, Gürcüstan əhalisinin sayı 3 mln. 728,6 min nəfər təşkil edir.

InterPress.ge xəbər verir ki, bu barədə ölkənin Milli Statistika İdarəsinin hesabatında bildirilib.

Sənədə əsasən, illik müqayisədə əhalinin sayı 11,7 min nəfər və yaxud 0,3% artıb.

Gürcüstan əhalisinin 1 milyon 796,2 min nəfəri kişilər, 1 milyon 932,4 min nəfəri isə qadınlardan ibarətdir.

Kvemo Kartli bölgəsində isə əhalinin sayı 437,3 min nəfərdir ki, bu da ötən ilin eyni dövrünə nisbətdə 3,1 min nəfər çoxdur./Report/