DİN rəhbəri amnistiya layihəsinin kimlərə aid olmasını açıqladı

"19-21 iyun hadisələri ilə əlaqədar amnistiya polislərə də aid edilməlidir".

InterPress.ge xəbər verir ki, bu barədə Daxili İşlər Naziri Vaxtanq Qomelauri, Gürcü Arzusu tərəfindən hazırlanan amnistiya qanun layihəsindən danışarkən deyib.

Qomelaurinin dediyinə görə, əfv qanununun qəbul edilməsi mövcud vəziyyətdə ədalətsizlik deyil.

“Daxili İşlər Naziri olaraq yəqin ki, amnistiyaya qarşı çıxardım. Siyasi bir qərar verildi, Avropa siyasətçiləri iştirak etdi, danışıqların bir neçə mərhələsi keçirildi. Buna görə amnistiyaya qərar verildi. Bunun ədalətsiz olduğunu düşünmürəm. Əlbətdə ki, bu polislərə də şamil edilir. Daxili İşlər Naziri olduğum və polisi qoruduğum üçün deyil, Nika Melianın ən çətin maddəni törətdiyi üçün. Amnistiya Nika Meliaya aiddirsə, niyə daha yüngül maddələrə toxunmasın? Bu ədalətsizlik olardı. Ağır cinayətə onsuz da şamil olunmur. 117-ci maddəyə şamil edilmir. Bu səbəbdən, ədalətli olduğunu düşünürəm. Tutaq ki, çox ağır cinayət törətmişəm, əgər mənə aiddirsə, əlbətdə ki, məndən daha yüngül cinayət törədənə də aid olmalıdır", - dedi Qomelauri.