Saxta sürücülük vəsiqəsi hazırlayan şəxs saxlanıldı

Əməliyyat-axtarış və istintaq tədbirləri nəticəsində İstintaq Xidmətinin əməkdaşları Kaxeti bölgəsində saxta rəsmi sənəd hazırladığı və satdığı üçün bir nəfəri saxlayıb.

InterPress.ge xəbər verir ki, məlumatı İstintaq Xidməti yayır.

Qurumdan verilən məlumata görə, araşdırma zamanı, eyni bölgədə qeydiyyatdan keçmiş sürücülük məktəbinin nümayəndəsinin pul qarşılığında C kateqoriyalı tədris kursunu bitirdiyini təsdiq edən saxta sənədlər hazırladığı və satdığı, gerçəkdə isə vətəndaşı müvafiq tədris kursu çərçivəsində öyrətmədiyi məlum olub.

Gürcüstan Cinayət Məcəlləsinin 3 ilə qədər həbs cəzasını nəzərdə tutan 362-ci maddəsinin birinci hissəsi ilə istintaq aparılır.