Prezident: "Eks-prezident adi məhbus ola bilməz, o, xüsusi məhbusdur”

“Hər kəs qanun qarşısında birdir, lakin eks-prezident adi məhbus ola bilməz, o, xüsusi məhbusdur”.

InterPress.ge xəbər verir ki, bu barədə Gürcüstan prezidenti Salome Zurabişvili bu gün keçirdiyi brifinqdə deyib.

Onun sözlərinə görə, keçmiş prezidentin həbsi hər bir dövlət üçün böyük problemdir.

“Bu, ədliyyə, penitensiar xidmət, hökumət və ümumilikdə cəmiyyət üçün böyük çağırışdır. Keçmiş və indiki prezidentin həbsi qanun qarşısında bərabərlik və ədalətə əsaslanır. Hər kəs qanun qarşısında bərabərdir və deməli, sabiq prezidentin həbsi qanunun aliliyi prinsiplərinə əsaslanır. Bunu o, yaxşı düşünmüşdü, amma yenə də qeyri qanuni yolla gəldi. Hamı qanun qarşısında birdir, amma  eks-prezident  adi məhbus ola bilməz, xüsusi məhbusdur, çünki hamı, cəmiyyət, eləcə də beynəlxalq ictimaiyyət, onun vəziyyətini müşahidə edir və ən yüksək standartları tələb edir. Ölkəmizin siması ona necə münasibət göstərdiyimizdə, onun ləyaqətinin, sağlamlığının və təhlükəsizliyinin necə qorunacağında əks olunur. Beləliklə, bütün bu müddət ərzində mən keçmiş prezidentin səhhətinin vəziyyəti ilə bağlı aidiyyatı qurumlardan, Xalq Müdafiəçisindən, Dövlət Müfəttişliyindən və Səhiyyə Nazirliyindən məlumat alıram”, - Zurabişvili bildirib.