Rustavidə gənc oğlanı elektrik cərəyanı vuraraq öldürdü

Rustavidə gənc oğlanı elektrik cərəyanı vurub.

InterPress.ge xəbər verir ki, 26 yaşlı oğlan yerindəcə ölüb.

Məlumata görə, gənc "Energo Pro Georgia"nın əməkdaşı olub və onu, XVI mikrorayonda digər əməkdaşlarla işlərini yerinə yetirərkən elektrik vurub.

Hadisə yerinə təcili tibbi yardım cəlb olunsa da, gənci xilas etmək mümkün olmayıb.

"Kabel xəttində iş zamanı təssüf ki, Rustavi Xidmət Mərkəzinin əməkdaşı öldü. Ölümün hansı mühitdə baş verdiyini aydınlaşdırmaq üçün faktla bağlı istintaq başladılıb.  "Energo Pro Georgia" şirkəti rəhbərliyi dərin kədərini bildirir və vəfat edən şəxsin ailəsinə və əməkdaşlarına başsağlığı verir", - deyə şirkətdən bildiriblər.