Sentyabrın 1-dən dekabrın 19-dək Gürcüstandan 15,7 milyon dollar dəyərində naringi ixrac edilib

2021-ci il sentyabrın 1-dən dekabrın 19-dək olan müddətdə Gürcüstandan 31,9 min ton naringi ixrac edilib ki, onun da dəyəri 15,7 milyon ABŞ dolları təşkil edib.

InterPress.ge xəbər verir ki, bu barədə Ekologiya və Kənd Təsərrüfatı Nazirliyindən məlumat verilib.

Məlumata görə, 2020-ci ilin eyni dövrü ilə müqayisədə sözügedən dövrdə naringi ixracının həcmi 34%, ixracın dəyəri isə 37% artıb.

"Bu il istehsal olunan naringilər Rusiyaya (22 267 ton), Ermənistana (5 254 ton), Ukraynaya (3 138 ton), Moldovaya (443 ton), Qazaxıstana (281 ton), Sloveniyaya (172 ton), Belarusa (140 ton), Estoniyaya (83 ton), Qırğızıstana (80 ton) və digər ölkələrə (78 ton) ixrac edilib", - məlumatda qeyd olunub.